ధ్యాన కాంతి

పట్టపగలు తాగటం ఇష్టం

సూర్యుడు మేలుకొన్న కాలాల్లో తాగినప్పుడు

లోకంలోని ఆకుపచ్చదనమంతా

నా లోపలికి ప్రవహిస్తుంది

లోకంలోకీ నాలోకీ

లోలకంలా ఊగుతున్న చూపు

అటు లోకంలోనూ నాలోనూ స్థిరపడుతుంది

 

చీకటైన జీవితం

చీకట్లో దాచుకున్న జీవితం

జ్ఞాపకమై వెలుగుతుంది

స్పృహ తప్పి పడిపోతే బాగుండును కానీ

స్పృహ తప్పి తప్పిపోలేనంత కాంతి

 

కాంతులు దేహాల్ని స్పష్టత పరుస్తున్న

క్షణాల్లో రమించడమూ ఇష్టం

ఎప్పుడూ చీకట్లో అంతమయ్యే చూపులు

పరస్పరం అప్పుడు కళ్ళల్లో ప్రజ్వరిల్లుతాయి

ఆత్మలు కలిసే మార్గం కొంత కష్టమయినా

కిరణం తాకిన క్షణాల్లో సుగమమవుతుంది

 

ఏదైనా తాగొచ్చు

ప్రేమనో సుస్వరాలనో దివ్యాక్షరాలనో...